從事第三方物流業嘅中小企想推行數碼化，運用物流數據平台（港口社區系統及香港國際機場貨運數據平台），但又擔心揀唔到真正可以對接、合規格嘅科技方案？

「未來智慧物流加速計劃」（FILAS）就係為呢個需要而設。呢個係「第三方物流服務供應商資助先導計劃」（TPLSP）轄下計劃，喺2026年 6 月 1 日推出，最大特色係設有「預先核准方案白名單」！💡

一般TPLSP申請要自己準備科技方案，並證明可以提升物流增值服務嘅生產力同效率，而FILAS 就唔同 — 政府已經預先做完技術評審，將合資格方案放入白名單。你只需：
1️⃣ 從白名單中採購及／或訂閱合適方案

2️⃣ 向有關方案供應商取得一份書面報價，並按計劃要求提交資助申請